Miam ne kassinu tipatshimun ne ilnu aihtun muk eshi uauihtamtshanutsh tshi eishashu pashtanekanu, mishta ishpitelitakuan tshetshi milu  nantutakanitsh auen  eshi tipatshimut ka aihtak kie ka eshi uapatak ueshkatsh uesh  uelutshiunilu nelu kie mishtapitelitakanilu.  Eshpish tshi tshimitakanitsh ne ka atusseshtakanitsh tshiash tipatshimun kie tshiash ilnu utapatshitaun 1976 pipun, mihtshet atusseun tshi mashiuepalitakanu tshetshi kanauelitakanilitsh tshi mushuminuatsh u tipatshimunnuau e tshi mamishkuatsh petsh pashtinikau u tshisselitamunnuau. Passe tshi nehlueutsh kie passe tshi mishtakushimuatsh ka tipatshimutau kie tshi kanauelimakanuatsh nite tekalepitsh. Eshku nuhtshish maushitakanu ueshkatsh tipatshimun ka ishpitelitakuatsh.