Eshi pukutanuatsh ninahku ilnu atusseun

Nukuan nite mishue e tutamuhk tshitilnu atusseunnatsh ueshkatsh Pekuakamiulnuatsh katshi aititau kie ka ishinakutau ueshkatsh uiluau utatusseunnuau kie elu muk e ishinakutatau ueshkatsh utatusseunnuau.  Nite uhtshipalipan Nitassinan nelu kassinu ka aiapishtatau kie nelu kassinu  ka eishuitshikut etapatshitat  ilnu.  Kassinu nite uhtshipalipan nuhtshimitsh. Shash mishta ueshkatsh mihtshet tshishe mitashu mitelneu pipin eshpish apatshitakanitsh  tshekuan nite nuhtshimiussitsh ka uhtshipalitsh nitshe ka apatshitatau tashep ka kanauelitakau eshi pukutatau utilnu atusseunnuau miam nitshe ka nitau tipishinatahitshetau, kie nitshe ka pukutatau e kassukuashutau mahk kassinu ne eshi pukutat auen, uihtakun  nite tshisselihtamun mahk kie tshetshi milu tshitapatakanitsh ne kassinu nutam atusseun.