|
Aieshkatsh Nikanitsh
Mishta apateltakun nikan aieshkatsh tshilanu kie mahk auassitsh tsheka mishta apateltakunilu. The ishpish milakash Pekuakamiulnuatsh atusseshtikau utilnu aitunuau kie nelu tanite uehtshitau, tshekatshi mishkamuatsh peikuan tan tshe eshuliatshetau e milupalihitunanuatsh ashitsh kie e ishpetelimitunanuatsh. Muk ne ui nashekanitsh, tshika takuan tshetshi mishtatussekatakanitsh tutakanitsh kassinu ilnutsh etashita tshetshi tipelimitishutau.
Uinishku pishim, 2004 pipun, Pekuakamiulnuatsh (mak kutakats ilnussitsh ka mamuhitutau miam nitshe Mamuitun mak Nutashkuan) mishinatuhutishupants mamu e ueueshitautau tshetshi nashtutatishutau ashitsh Utauau tshishe utshimau mak Upishtukuiau tshishe utshimau. Ne kaui nashtutatishunanuatsh shashi ume nishulneu pipun eshpish natapishtuakanitau ka uapishitau eku mahk kassinu kashtinekanitsh ka natuelitakanitsh ekuan tshipa tipelimitishunanu.
Tapishkuats, tshitatusseshtenanu ne ka ui tshimilakanitsh ilnu tshisheutshimau. Ka tshitshipilitsh 2006 pipun, Pekuakamiulnu tshishe utshimau uluipalitapantsh nelu Takuhikan mashinaikan Pekuakamiulnuatsh uhtsh utilnu aitunnuau katshi atusseshtekau ute. Muk mahk aiatsh tshi tshisselitenanu tanite e ituteik kie mak tshekuan e nashimuhk.
  | 
