|
Pahpeikutenu
Apu shuk alimumakanitau pahpeikutenu, muku ne eishashu uauihtamatshanuatsh tshisselitamun uauihtakanu. Ueshkatsh tshitanashkutapan mushuminuatsh ishishuepantsh kassinu ne eshpishatsh nituhussi Tshishe Mantu nelu tipelitam kie muku tshi auiheu nelu pahpeikutenu tshetshi milu kanauelitamilitsh. Kassinu pahpeikutenu takunilipant tshetshi iakua tutak nelu assilu kie tshetshi iakua tutuat kassinu aueshisha nite ka talitsh.
Kassinu takunilipan e aihtitau man ueshkatsh ilnuatsh Miam ne mukushan, nuhtshimiu uiash mitshunanun, kassinu auen petau mitshimilu ekue matinimatunanuatsh tshetshi mamu mitshunanuatsh. Tahtipipun nipaimihanan, peikutenu uishamushtshemueu tshetshi petsh mukushanunilitsh. Ueshkatsh mukushanuipan e nipahakant mashk kie e mamuhitunanuatsh man.
Nanukutin mishta mihtshetupantsh man pahpeikutenu mamu e kushpitau. E pipunilitsh mamu nituhupantsh. Patetas pahpeikutenu itashipantsh man mamu e tatau. Nishuass ( 75) itashipants pahpeik e atshimakanitau mamu.
 
| 
