Tshekuan nite uehtsh ishpitelitakuatsh

Nishtam Tadoussac tshi shenekanu nite ka aiauakant ushiki mishkueka Chicoutimi alu tshetshi peshuapatikau kie tshetshi milu nashikau nitshe ka nituhushitsh ka pipamuhtetau mishue nuhtshimiussitsh nite e uhtsh tshishtutanuatsh Tadoussac luash Baie James( Uipipeku) Ek inanipan alu nete Chicoutimi mishta atauanipan ushiki ne 1686 ka itsheshtetsh pipun makatsh nite aitsh ka takukau ataueutshuapa ka aiauakanitau ushiki. Nete Chicoutimi, Pekuakamiulnuatsh ituhtepantsh tshetshi tshishkutamakutau ka uapukuiuesh aimiheunnilu mahk tshetshi shukituakanitau. Mihtshet pipun ishpitelitakunupan nite uashka Chicoutimi.  1876 ka tshishtetsh pipun ekuan ka tshipahikanitsh. Shash apu nukunilitsh nite ka eshi nimetatau  ueshkatsh ka aiauatau ushikilu kie nite miam  ka tshimitetsh ne ataueutshuap usham nutam ka mishta lassipetsh 1996 ka itshishtetsh pipun.