E tshitapatakanitsh kassinu nehlu aimunna

Ne e tshitapatakanitsh ueshkatsh aimun, tshisselitakun tshekat tapishkuatsh  itutakun ne kassinu nehlu aimun. Miam tshilanu kassinu ilnu ka ishinikatukuihk kie nitshe Attikamekulnuatsh tshi peshuapamikunuatsh ne eshaimihk ashitsh kie nelu Natuhulnuatsh kie nitshe Anishnabeulnuatsh ashitsh Natuhulnuatsh peshuapapituatsh nelu eshaimitau. Ne kassinu nehlu aimun takuan nanukutin tapishkuatsh e issishuemikatsh tshitaimunnu ashitsh kutakatsh ilnuatsh utaimunnuau. Miam nitshe Attikamekulnuatsh, aitsh itutakanilu utaimunnuau ashitsh tshilanu ilnu. Nitshe uil Anishnabeulnuatsh mahk Natihulnuatsh takunilu  uiluau eshaimitau nelu ka eshi mashituepalitau utaimunnuau. Nitshe uil kassinu Ilnu ka ishinikatakanitau nite mahk aitsh tahtipan ilnussitsh ka uhtshitau takuanilu nite eka tapishkuatsh e issishuemikanilitsh passe tshekualu e uihtakau.

Miam tshilanu Pekuakamiulnuatsh, patush katshi natshishkukuatsh ka uapishitau ka tshitshipaliuk e nehlushtaik miam nitshe ka takushinitau ka uapukuiesh uesh uiluau ka tshishkutamatuhk e mashinahitsheik Uesh Pekuakamiulnuatsh muk e uauihtamuatau auelu eshi tshishkutamuepantsh tshekualu kie peikuan  kassinu nitshe ka Anishnabeulnutau. Ek e ne ka pahpeikushtetsh ka apatshitakanitsh e mashinahitshanuatsh nishelnu (20) ituten makatsh nishelnu ashu kutuass(26).