|
Nehlueun
Ne ka apatshitakanitsh nuhtshimiussitsh aimun shashish nehlueun ishinikatakanu muk kashikatsh nehlueun issishuanun.
Nelu Pekuakamiulnuatsh u takuhimatsheu mashinikannuau nukuanilu nite kie uauihtakunnilu ilnuatsh eshpish ishpitelitakunilitsh u nehlueunnuau. Mashinateu nite kie kassinu ne eshpishatsh tshi uelutshiunnu ne alu ka uhtsh ishpitelitakuatsh ekuan ne shashish nehlueun. Ekut nite kassinu nishtam tekuatsh ashpitshimun uhtsh tshitaihtunnatsh. Miam e nipemekatsh tshipa itelitakuan ne tshitaimunnu kie muk passe ilnuatsh apatshitautsh e aimihitutau. Tshilanu tshipa takuan tshetshi tashep nehlueik tshetshi kau apishukushimikatsh ne tshi nehlueunnu kie tshetshi uelutshimikatsh kie tshetshi ashu pashtinamuhk mahk tshetshi tshishpeuatimuhk tshetshi milupalitsh e mashituepalitakanitsh. Tshetshi nikanishtananu e mishtakushimuihk mishue e taik nass eka uhtsh kushpinelitamuhk tshetshe unitatsh ne ushkatsh tshitaimunnu ka tshishkutamakuihk ka uassiuihk.Shash takuan tshetshi apatshitaihk tshi nehlueunnu nite mishue tshitaihtunnatsh kie tshetshi tashep aeiapitsh uapataliueik. Nukunilu tanite uehtshit ilnu muk nelu eshimit kie e ashinehikut utilnussim.
  | 
