|
Eshilniunanuatsh apukuashuntsh
Takunilipan nitshe Pekuakamiulnuatsh tshetshi eka shuk kushikunilitsh utapukuashunnuau uanisse tshetshi ahtitutatau. Kie nelu mashtukua tshe apatshatau takunilipan eka shuk katak tshetshi talitsh nite uashka tshe manikashutau tshetshi uanisse kau natuapamatau tshek ui apatshatau. Mishta mishishtipan uil ushkuiatuk kie uanisse mishkuakanipan mishue e ui tshilipinanuatsh e manikashunanuatsh. Nanatshe ash ekuan ka mishkutunekanitsh ushkui mishkuatsh patshuiantshuap.
Ne tashep tshetshi natihenanu shipi e kushpiuk minashkuatsh kie takunipan tshetshi milu naushunimuhk nite tshe kutushuihk miam e lishtutitsh shipitsh kie nite e mishta mashikamatsh shakahikana. Ekuan ne ushtsh kashikatsh eshku nukun nite nimehtaun shash ne mishta mihtshetu tshishe mitashu mitelneu pipuna miam ne kapatakan laleu shipisth. Tashep nite ishikaputakanipan ne apuakuashun nite ushkatsh e uhtsh nukushit pishim e tshetshepaushitsh nite eshakualuelitsh.
Pahpeikutenu ilniuipantsh nite apukuashunitsh kie kassinu pahpeik etashitau takunilipan tshetshi uauitshitutau tshetshi petatau tan miam nishtam etapashtalitsh nite peikutenu.
 | 
