|
Nutam mushuau natuhussi
Mishue nite ka eshi kashtuhuetsh e nuhtatukuanuatsh tshi kashtuhueu miam ne ka tshimakahitshanuatsh, ka mahaputshanuatsh kie ka shenekanitsh nuhtatukueu meshkanu. Mishue ute uashka Pekuakamitsh kie nete nitamitatsh miam ne Uapush (lièvre) shipi, Croche, Trenche mahk Bostonnais. Mishue nite eshi kashtuhueu ne ka tshimakahitshanuatsh miam ne kassinu ka eshi nitautshitsh minashkuatsh kie ne alu ka utsh kashtuhuetsh nelu ka uhtsh pakassitishutau ueshkatsh Pekuakamiulnuatsh.
Passe peikutenu tshi mishta nehkatelitamihikutsh nelu ka tutakanilitsh. Kassinu punipalu katshi eshilniutau shash alu peiku tshishe mitashumitelneu pipunna uhtanatsh. Muk ma peikuan passe peikutenu tshi teutsh u natuhussiuatsh tshetshi tshishkutamatishutau utaihtunnuau eshikum pipun miam nitshe peikutenu François Xavier tshi manikashuatsh nete ka lishtutetsh meshkanu mahk shipi (la rivière Brûle-neige) pessish Mistassibi shipi.
  | 
