|
Mishta ishpitelitamuatsh nelu shipilu Pekuakamiulnuatsh
Kuishku nite miam tshiash mashkanatshnite katshi atauanutsh ushiki, ne ka ishpelteltakuatsh shipi peikunitsh pimishumulipan u meshkanamuau nite ka ataueutshuap ka aiauakanitau ushiki nte Métabetchouan mahk nte Nicabau (mahk Ashuapmushuan). Eshku tshissitattumuatsh ueshkatsh ilnuatsh katshi apitau nite kie katshi nitautshitau nete Ashuapmushuan shakahikan (Shamushuan) shakahikan nte pessish ka ataueutshuap ka aiauakant usheki. Mihtshet pipun utanatsh, Madame (utshimashkueu) Hélène Blacksmith Napané itutepan nete ashitsh ilnuatsh eti kau ui ilniuimakants ne atauanautshuap usheki tsheshi kapatshuauapitakau ilnussilu, ek mak tshi uapitiliau tanta miam e mashentau u shimai, u mishai ke u shteshai kati lukuashkanatau ueshkatsh kati ilniuts mak kati nete atat assilu ashek utiluamakan.
Eku mahk ka ishpish nite taik natuhuassinu, tashep tshetshi ishpitelitenanu ne Ashuapmushuan shipi usham e tshi metshatsh pakassun. Nuhtshish mahk ume kashikatsh, takuan tshetshi tutamuhk peikuan tshetilnu aihtunu at peikuan e uitapamutakuats ka uapishetau ka manikatishutau kie tshi tapuetuakanuatsh tshi natuhutau kie uiluau e takuatshilitsh.
E alamutakanitsh minashkuatsh nete Shamushuan shipi, mishta mihtshetu uskuiatuk mahk manaik kie milekash tshi mushtenamuatsh nite ka atusseshtakau ka tshimakahishanuatsh kie aputsh milekash tatau tshetshi pikuhakau nelu assilu. Shashi alem nite minashkuatsh tshi mushukahikanu kassinu nass eka peik uhtsh nikatatau mishtukua.
Nilan iteltamatsh ne kassinu e mushuanapishkatsh miam katshi mishkutshipalitakanitsh assi.
| 
