Mishta ishpitelitamuatsh nelu shipilu Pekuakamiulnuatsh

Site du futur chantier de la central hydroélectrique Péribonka IV

Apu muk  uhtsh apititsh e pihtepalinanuatsh tshetshi itetanuatsh nite nuthuassits (muk uil ashitsh mamitsh ilnuatsh e mamishkutunimatunanuatsh nitamuk tshekuan).  Muku ma, mashta apitelitakanipan ne shipi e apatshitakanitsh  tshetshi pihtepalinanuatsh pihte natuhuassith.  Aputsh nite pamishamuatsh meshkanu ka aiauakanitau ushiki, Mishta ishpetelitamupantsh nilu e ntihakau Pelipuhkau shipi e kushpitau auentshe nutshimiuassitsh kie nitshe peikutenu tahtipipun kushpipantsh tshetshi tatau nite muk eshi tanuatsh peiku pipun.

Mihtshet aishkatsh nikanitsh ka takushinitau auassitsh nete pahpeikutenu  tshi mishkutapishtatuatsh nite shipi uanisse ka ntahekanitsh, eshpish mitsheka kapatakan  eshapatshitakanitsh tshetshi uhtitekanitsh natuhuassi katak ka takukau.  At peikuan katshi  tshimakahitshanuatsh mahk  ushkutam ka tutakanitsh,  peikuan ekute katshi taik pessish shipi tshetshi nashimuhk tshitilnu aihtunnu  miam ne tshetshi natuhunanuatsh, tshishulakanitshanuatsh, kussanuatsh mahk maushinanuatsh.